Mjóifjörður

Tjaldsvæðið er staðsett á grasflöt við gistiheimilið Sólbrekku. Stutt er í fjöruna þar er hægt að setjast niður og hlusta á róandi öldugjálfrið, kvak fuglanna, rölta um og tína fallega steina og ef heppnin er með þér gætirðu séð seli eða hvali synda hjá. Kaffisala er opin alla daga vikunnar í Sólbrekku, frá júní - ágúst. Þar er hægt að kaupa ýmsa drykki, heita/kalda, óáfenga/áfenga, léttar veitingar, m.a. nýbakaðar vöfflur með rjóma og heimagerðri rabarbarasultu, kleinur, grillaðar samlokur o.fl. Þar eru einnig seldir ýmsir mynjagripir og handunnar vörur af íbúum staðarins.